PROIEKTU EUROPARRAK
Gamarra Eskolak Leonardo eta Erasmus proiektuak kudeatzen ditu. Proiektu horiei esker ikasleek EBeko hainbat herrialdetan praktika-egonaldiak egiteko aukera dute. Proiektu horietan parte hartzen duten ikasleek Eusko Jaurlaritzaren diru-laguntzaz osatzen den OAPEEren beka bat jasotzen dute. Horrela, ikasleak bidaia, asegurua, hizkuntza ikastaroa eta ostatua ordaintzeko diru-laguntza jasotzen du. Horrez gain mantenu- eta garraio-ordaina ere jasotzen ditu.
ERASMUS PROGRAMA
Erasmus programaren helburuetako bat goi mailako heziketa zikloetako partaideen irakasketa-ikasketa beharrak asetzea da.
Eskolak orain artean Erasmuseko SMP (Student Mobility Placements) mugikortasun proiektu bat kudeatu du. Proiektu hori dela medio hainbat ikaslek hiru hilabeteko iraupena duen praktika-egonaldi bat egin ahal izan dute Italiako hainbat enpresetan.
LEONARDO DA VINCI PROGRAMA
Leonardo da Vinci programaren helburuetako bat erdi mailako heziketa zikloetako partaideen irakasketa-ikasketa beharrak asetzea da.
Eskolak hainbat Leonardo IVT (Initial Vocational Training) mugikortasun proiektu kudeatu ditu. Horri esker, hainbat ikasle hamabi astez Italiako enpresetan aritu dira praktikak egiten.
HELBURU OROKORRAK
- Europa erkidegoko herrialdeetako gastronomia eta kultura ezagutu.
- Nazioarteko sukaldaritzan trebatu.
- Europa erkidegoko herrialdeetako lan-merkatua ezagutu.
- Atzerriko hizkuntzen ulermena eta mintzamena hobetu.
- Norberaren autonomia eta mugikortasuna sustatu.
PROGRAMEN EDUKIA
Helburu horiek lortzeko programak honako elementuez osatzen ditugu:
- Hizkuntza eta kultura ikastaroa.
- Jarduera soziokulturalak.
- Ostalaritza arloko enpresetan praktikak.
PROGRAMEN BALDINTZAK ETA PARTE HARTU IZANAREN ZIURTAPENA
- Egonaldiaren eta praktikaldiaren baldintzak konbenioan eta formazio akordioan zehazten dira. Dokumentu horiek eskolak, enpresak eta ikasleak onartzen dituzte.
- Eskolak eta praktika-enpresek ikaslearen parte hartzea ziurtatuko dute ziurtagirien bidez.
